Sirkka paa kaia
Nu go lea dovddus leat sihke intenašunala ja riikalaš dásis ásahuvvon bajitdási prinsihpat maiguin lea relevansa areala- ja resursahálddašeapmái sámi guovlluin. Lea nu earret eará mearrádusat mat gusket árbevirolaš máhttui, ja fohkus báikkálaš luondduávkkástalliid oasálastin resursahálddašeamis. Lea dárbbašlaš nannet bargguid duođašteamin ja gaskkusteamin árbevirolaš máhtu báikkálaš dásis, ja maid báikkálaš kapasitehtahuksemin.

Lassin dokumenteremii ja gaskkusteapmai, lea stuora dárbu ásahit ja ovdánahttit máhtu báikkálaš kapasitehtahuksemii árbevirolaš máhtu ektui; bargu mii lea deattuhuvvon ON barggus olahit bioriggodatkonvenšuvdna artihkkala árbevirolaš máhtu birra. Konvenšuvdna viđát oassečoahkkimis 2000 mearreduvvui bargoprogramma mo fátmastit Artihkka 8 j. Okta daid vuoruhuvvon bargguin lei nanusmahttit návccaid eamiálbmogiin ja báikegottin geat doalahit árbevirolaš eallinvigiid, nu ahte sii sáhttet aktivalaččat oasálastit mearridanproseassain ja politihkkahápmeniin mii guoská sin guovlluide internašunala, regionale ja báikkálaš dásis. Artihkkal 8 sisdoallá in situ vurken, dahje báikkálaš vurken, ja bargu árbevirolaš máhtuin galgá leat ovttaoaviliin daiguin geainna leat dát máhttu.

Oasálastin ja kapasitehtahuksen gáibida ođđa gulahallan ja ovttasbargoarenaid. Báikkálaš máhttointitušuvnnat, nugo Mearrasámi diehtoguovddáš, sáhttá leat dákkár arena, ja maid leat gaskkusteaddji báikkálaš arenain/ juovkkuin báikkálaš dásis geat hálidit bargat árbevirolaš máhtuin. Gažaldat lea mo kapasitehtahuksen ja ođđa arenat gaskkustan ja ovttasbarggu ulbmiliid sáhttet ásahuvvot, dan ulbilii ahte nannet barggu árbevirolaš máhtuin báikkálaš dásis.

Báikkálaš oasálastin gaskkusteamin árbevirolaš máhtu 
Mearrasámi diehtoguovddáš lea ásahan máhtu jođihit ja ovdánahttit dokumentašuvdnavuogádaga neahta bokte gaskkustit báikkálaš/ árbevirolaš máhtu (Meron.no). Meron.no lea hápmejuvvon nu ahte báikkálaš resursajuovkkut iešguđet guovlluin sáhttet oasálastit fáttáin mat leat sisdoalus neahttasiidus. Ođđa fáttát sáhttet ráhkaduvvot báikkálaš dárbbuid vuođul ja heivehuvvot báikkálaš dárbbuide. Ja guovddáš lea bargan digitale goskkustemiin máŋgga prošeavttas.

Evttohuvvon fáddá dán ovdánahttinbarggus; Árbevirolaš máhttu vuonain ja meahcásteapmi, dattuhuvvon boraspiret ja guohtunspiret.

Ruhtadeapmi
Ovdánahttinruđat Sámedikkis.