Fra Kokelv 1
Leat álggahan ođđa báikenammabargguid Fálesnuoris. Bargu lea oktasašbargu báikkálaš berošteaddjiiguin báikkegottiin. Fálesnuorri lea gelddolaš mearrasámi eanadat gos vuonat, jogat, sullot ja várit deaivvadit. Dán eanadagas muitalit báikenamat historjjá, mearrasámi giela ja olu eará. Bargu álmmuhuvvu neahttasiidus www.meron.no. Sámediggi lea ruhtadan dán barggu.